Frægur fyrir leik

Næstur í röð frægra stuðningsmanna Liverpool sem svara nokkrum laufléttum spurningum er söngvarinn Magni Ásgeirsson, sem hefur lengi verið gallharður stuðningsmaður Liverpool. 

Hversu lengi hefur þú verið stuðningsmaður Liverpool?
Frá því að ég man eftir mér! Eldri bræðra syndrome.

Hver er þinn uppáhalds Liverpool leikmaður allra tíma? 
Bruce Grobbelaar.

Hver er í mestu uppáhaldi af núverandi leikmönnum liðsins?
Gerrard auðvitað.

Ef þú mættir kaupa einn leikmann að eigin vali til Liverpool, hver yrði þá fyrir valinu?
Er Vinnie Jones að gera eitthvað sérstakt? Ef hann er busy þá er Robben ákaflega fallega hærður fyrir minn smekk.

Hvernig fer leikurinn við QPR um helgina.
Ég krefst sigurs! Segjum 3-0.

Í hvaða sæti endar Liverpool í vor?
Ég sætti mig við þriðja.