Fernando er í draumalandi sínu!

El Nino kom eins og stormsveipur til Liverpool eftir að hann kom frá Spáni. Fernando Torres, eða El Nino, sýndi strax snilli sína og hefur raðað inn mörkum. Stuðningsmenn Liverpool dá hann og dýrka enda Fernando maður að þeirra skapi. Margir vildu eiga hann en stuðningsmenn Liverpool ættu ekki að þurfa að óttast að Fernando vilji fara frá Liverpool. Honum finnst að hann sé í draumalandi sínu! Honum þykir orðið mjög vænt um Liverpool borg og fólkið sem þar á heima!

,,Fólkið hérna er vingjarnlegt og sýnir mikla kurteisi. Það ber líka mikla virðingu fyrir leikmönnunum þegar það hittir þá utan vallar. Þetta finnst mér skipta miklu máli. Á Spáni var erfitt fyrir mig að fara á veitingastaði eða fara út á götu í göngutúr með vinum mínum. Núna get ég gert þetta. Hérna get ég farið út að ganga með hundana mína eða farið út að borða."

,,Í borginni býr venjulegt verkafólk og mér líkar það vel því ég fæddist sjálfur í verkamannahverfi á Spáni. Fólkið vinnur alla vikuna og fer svo á völlinn um helgar til að njóta þess að horfa á liðið. Á mánudögum fer fólkið svo í vinnuna til að leggja hart að sér til þess eins að það hafi efni á því að horfa á liðið sitt um komandi helgar."

,,Það er alveg einstakt að sjá stuðningsmenn í treyju með nafnið mitt. Ég get vel skilið að sjá þá í treyjum merktum Stevie G eða Carra því þeir eru frá Liverpool. Það eru bara tvö ár liðin frá því ég kom hingað sem útlendingur til að leika knattspyrnu en stuðningsmönnunum þykir vænt um mig eins og Stevie eða Carra. Þetta er alveg ótrúlegt og ég er þakklátur stuðningsmönnunum fyrir hvernig þeir hafa tekið mér."