Luis Garcia horfir fram á undirbúningstímabilið

Luis Garcia sem meiddist á hné í snemma í janúar mun ekki leika meir með Liverpool á tímabilinu vegna meiðslanna en Garcia miðar vel áfram í endurhæfingu sinni og er mjög bjartsýnn á að hann muni ná fullum bata og sínu gamla formi.

,,Markmið mitt er að verða tilbúinn fyrir undirbúningstímabilið" sagði Garcia við spænska fjölmiðla.

Garcia sagðist vera mjög svekktur með að missa af lokum tímabilsins en er þó bjartsýnn á að Liverpool nái að endurtaka leikinn frá árinu 2005 og hafa sigur í Meistaradeild Evrópu. Hann tjáði sig einnig um orðrómana um að Rafa Benítez sé á förum frá félaginu og sagði meðal annars:

,,Fjölmiðlarnir sögðu fyrir tæpu ári síðan að Rafa væri á förum en hann kom til okkar og sagði að ef hann væri á förum þá myndum við fyrstir fá að vita það, en ég held að honum líki vel hér."