Ferguson: Við vorum heppnir

United tók stórt skref í átt að Englandsmeistaratitlinum í gær á Anfield þegar varamaðurinn John O'Shea skoraði sigurmark í uppbótartíma. 

En Sir Alex Ferguson viðurkenndi að þetta hafi verið ósanngjarnt fyrir Liverpool.

"Þeim mun finnast þeir vera mjög óheppnir og það réttilega.  Þetta eru stór úrslit fyrir okkur."

"Við skoruðum seint gegn Fulham og svo gerum við það aftur hér."

"Þetta voru frábær úrslit.  Við sluppum oft með skrekkinn og Liverpool truflaði taktinn hjá okkur."

"Við höfum haft heppnina með okkur síðustu tvær vikurnar en heppnin er einmitt það sem þú þarft til að vinna titla."