Rafa ánægður með Paletta

Rafael Benitez segir að Gabriel Paletta sé búinn að standa sig framar vonum síðan hann gekk til liðs við félagið og segir að Paletta verði sennilega í uppáhaldi hjá stuðningsmönnum Liverpool.

Þessi tvítugi Argentínumaður hefur komið við sögu í báðum æfingaleikjum Liverpool til þessa, gegn Wrexham og Crewe, og hefur vakið athygli fyrir vaska framgöngu og góðar tæklingar.  Áhorfendur hafa gefið honum lof í lófa í leikjunum og þá sérstaklega fyrir tæklingarnar sem þykja vera frábærara eins og Argentínskum varnarmönnum er von og vísa.

Rafael Benitez hafði þetta að segja um leikmanninn:  ,,Tungumálið er ennþá vandamál fyrir Gabriel en hann er að fá enskukennslu.  Ég held hinsvegar að það séu ekki nein vandamál með tæklingarnar hjá honum."