Whitbread til Millwall

Zak Whitbread hefur skrifað undir tveggja ára samning við Millwall. Hann var í láni hjá liðinu á síðasta tímabili þegar Millwall féll í 2. deild.

Hinn 22 ára gamli Whitbread sem leikur í stöðu miðvarðar lék 7 leiki fyrir aðallið Liverpool. Hann þreytti frumraun sína 26. október 2004 gegn Millwall af öllum liðum. Liverpool vann örugglega 3-0 í 3. umferð deildarbikarsins.

Whitbread lék 27 leiki fyrir Millwall og Nigel Spackman nýr framkvæmdastjóri Millwall og fyrrverandi leikmaður Liverpool ákvað að kaupa kappann. Whitbread átti eftir eitt ár af samningnum sínum við Liverpool og kaupverðið getur orðið allt að, hvorki meira né minna [eða þannig] um 200.000 pund eftir ákveðinn leikjafjölda.