Mitt sætasta mark hingað til

Peter Crouch segir að markið sem hann gerði gegn Everton í gærkvöldi sé það eftirminnilegasta sem hann hafi gert á ferlinum hingað til. Enda fátt sætara en að skora gegn Everton.

"Ég held að þetta sé sætasta mark sem ég hef skorað. Við vitum öll hvaða þýðingu þessi leikur hefur fyrir stuðningsmennina hér og því gaf það mér aukinn kraft að ná að skora fyrsta mark leiksins því að ég vissi að það væri þýðingarmikið. Ég er fullur sjálfstrausts þessa dagana og það er eðlilegt þegar maður er að skora reglulega. Þegar ég fékk tækifærið hikaði ég ekki við að nýta það. Það skemmdi ekki fyrir að þetta hjálpaði okkur að vinna góðan sigur undir erfiðum kringumstæðum. Það er aldrei auðvelt að vinna þennan grannaslag."