Af kvennaliðinu

Kvennaknattspyrnan er farin í gang á Englandi. Kvennalið Liverpool hefur byrjað nokkuð vel ef á heildina er litið. Núna stendur landsleikjahlé yfir.

Liverpool byrjaði keppnistímabilið, 6. september, á því að sækja Charlton Athletic heim til höfuðborgarinnar. Liverpool vann öruggan sigur 0:4 sem segja má að hafa verið óskabyrjun í deildinni. 

Fyrsti heimaleikur Liverpool var gegn Tottenham Hotspur. Leiknum leik með jafnglími 1:1.

Þriðji leikurinn var á móti Manchester City sem vann Tvennu, deild og bikar, á síðustu leiktíð. City komst yfir en Liverpool sneri leiknum sér í vil og komst í 1:2. City jafnaði 2:2 í blálok fyrri hálfleiks. Staðan var jöfn fram á 90. mínútu en þá komst City yfir. Meistararnir náðu svo fjórða marki sínu þegar komið var í viðbótartíma. Sárt 4:2 tap eftir góðan leik!

Síðasti deildarleikurinn í september var við Everton. Liverpool vann sætan sigur 2:0. Beata Olsen og Cornelia Kapocs skoruðu mörk Liverpool í byrjun og lok leiksins. Leikurinn fór fram á Anfield Road fyrir framan 9.642 áhorfendur. Kvennaliðið hefur oft verið í vandræðum á Anfield en nú gekk allt að óskum!

Fyrsti deildarleikur Liverpool í október var á útivelli við Manchester United. Heimakonur unnu nauman sigur 1:0.

Liverpool er í sjötta sæti í deildinni með sjö stig eftir fimm leiki. Manchester City er í efsta sæti. Liðið hefur unnið alla fimm leiki sína.

Liverpool hefur leikið tvo leiki í riðlakeppni Deildarbikarsins. Liverpool mætti fyrst Sunderland á heimavelli og vann 4:2. Sunderland er í næst efstu deild. Næst mætti Liverpool Birmingham City á útivelli. Það rigndi mörkum. Staðan var jöfn 3:3 þegar komið var fram viðbótartíma. Þegar fjórar mínútur voru liðnar af viðbótartímanum skoraði Natalia Ramos sigurmark Liverpool 4:3! Liverpool hefur því fullt hús stiga í Deildarbikarnum.