Draumar geta orðið að veruleika!

Kostas Tsimikas var í skýjunum eftir leik Liverpool við LASK í Austurríki. Hann sagði einhverja af draumum sínum hafa orðið að veruleika í leiknum sem Liverpool vann 3:6. Hann skrifaði þetta á Instagram síðu sína eftir leikinn í gærkvöldi.  

,,Að vera fulltrúi draumafélagsins míns á Meistaradeildarkvöldi, vera fyrirliði, vera í sigurliði og leggja upp mörk?! Kostas litli! Draumar urðu að veruleika litli minn. Maður á aldrei að hætta að láta sig dreyma og hafa trú á hlutunum gott fólk. Draumar geta  orðið að veruleika. Í dag náði ég að láta nokkra af mínum draumum rætast og tilfinningin er yndisleg. Ég er svo þakklátur."

Kostas var fyrirliði Liverpool í fyrsta skipti á ferli sínum hjá félaginu. Grikkinn spilaði stórvel og lagði upp tvö mörk. Kannski áttu ekki margir von á því að þessi kvöldstund í Austurríki hefði svona mikla þýðingu fyrir 31. árs gamlan mann. En gleymum því ekki að draumar geta verið að rætast fram eftir öllum aldri!