Leikjatilfærslur

Búið að er raða upp leikjum Liverpool í september. Liverpool byrjar þá keppni í Meistaradeildinni og Deildarbikarnum. Þar með má segja að kepnnistímabilið sé komið í fullan gang. 

Fyrsti leikur Liverpool í mánuðinum verður á útivelli á móti Ipswich Town. Leikurinn hefst klukkan sjö að kvöldi föstudagsins 4. september. 

Á sama tíma miðvikudagskvöldið 9. september byrjar Liverpool að spila í Meistaradeildinni. Spænska liðið Atletico Madrid kemur þá í heimsókn á Anfield Road. 

Laugardaginn 12. september spilar Liverpool aftur á Anfield. Fulham verður mótherjinn. Leikurinn byrjar klukkan tvö eftir hádegi. Sem sagt hefðbundinn leiktími. Álvaro Arbeloa kemur þá með Fulham á völlinn þar sem hann lék svo oft sem leikmaður Liverpool. Hann tók við sem framkvæmdastjóri Fulham í sumar. 

Þriðji leikur Liverpool í röð á Anfield fer fram þriðjudagskvöldið 15. september. Liverpool fær þá Tottenham Hotspur í heimsókn í Deildarbikarnum. Leikurinn hefst klukkan sjö.

Sunnudaginn 20. september heldur Andoni Iraola á fornar slóðir með Rauða herinn. Spánverjinn mætir þá með Liverpool á sinn gamla heimavöll í Bournemouth. Flautað verður til leiks klukkan eitt eftir hádegi. 

Eftir þann leik tekur við landsleikjahlé og Liverpool spilar ekki aftur fyrr en 11. október. Landsleikjahléin verða nú lengri en áður en á móti kemur að þau verða færri. 

Vakin er athygli á að tímasetningar eru að íslenskum tíma. Sumartími er á Bretlandsleyjum. Klukkan þar á sumartíma er klukkustund á undan íslenskum tíma.