Stórleikur í Deildarbikar

Liverpool fær heimaleik í þriðju umferð enska Deildarbikarsins, mótherjinn er Tottenham Hotspur.

Ekki er búið að tímasetja leikinn en hann mun væntanlega fara fram þriðjudaginn 15. eða miðvikudaginn 16. september.

Liðin mættust síðast í þessari keppni í undanúrslitum árið 2025 og þá var leikið heima og heiman. Fyrri leikurinn endaði með sigri Tottenham á þeirra heimavelli 1-0 en Liverpool vann öruggan 4-0 sigur í seinni leiknum á Anfield og fóru í úrslitaleik gegn Newcastle sem kannski er óþarfi að rifja upp hvernig fór.

Sögulega hafa liðin mæst 10 sinnum í þessari keppni í gegnum árin.