fim. 02. apríl 2026 16:00 | Sf. Gutt

Leikjatilfærslur

Búið er að tímasetja leiki Liverpool núna í apríl. Hér er listi leikjanna með nýjum tímasetningum. Gott að vita þetta ef verið er að velta ferðalögum fyrir sér.

Fyrsti leikurinn er í FA bikarnum núna á laugardaginn fyrir páska. Liverpool spilar við Manchester City á útivelli. Leikurinn hefst þegar klukkuna vantar stundarfjórðung í hádegi.

Leikur tvö fer fram í París á miðvikudagskvöldið. Liverpool mætir þá Evrópumeisturum Paris Saint Germain klukkan átta. Þetta er fyrri leikur liðanna í átta liða úrslitum Meistaradeildarinnar. Eins og allir muna mættust liðin á síðustu leiktíð. Liverpool vann þá í Frakklandi en franska liðið svaraði með sigri á Englandi. Paris fór svo áfram í vítaspyrnukeppni.

Laugardaginn 11. apríl fær Liverpool Fulham í heimsókn á Anfield Road. Leikurinn hefst klukkan hálf fimm síðdegis.

Seinni leikur Liverpool og Paris Saint Germain í átta liða úrslitum Meistaradeildarinnar fer fram að kvöldi þriðjudagsins 14. apríl. Flautað verður til leiks klukkan átta. Þá ræðst hvort liðið fer í undanúrslit!

Sunnudaginn 19. apríl fer fram sögulegur leikur í Liverpool borg. Liverpool liðin mætast þá í fyrsta sinn á nýja heimavelli Everton. Borgarrimman hefst klukkan eitt eftir hádegi.

Síðasti leikurinn í apríl fer fram á Anfield. Englandsmeistarar Liverpool mæta þá bikarmeisturum Crystal Palace klukkan tvö. Hingað til hafa liðin þrívegis gengið á hólm á leiktíðinni. Liverpool hefur enn ekki unnið. Tími til kominn!

Allar tímasetningar eru að íslenskum tíma. Hafa ber í huga að nú er kominn sumartími á Bretlandseyjum. Þá er enski tíminn klukkutíma á undan okkar tíma.

Liverpool liðin mætast á Anfield Road á miðvikudagskvöldið kemur. Nú er búið að breyta yfir í sumartíma á Bretlandseyjum. Leikurinn hefst þar með klukkan sjö að íslenskum tíma.

Liverpool mætir Fulham í London sunnudaginn 6. apríl. Leikurinn byrjar klukkan eitt eftir hádegi.

Næst mætir Liverpool West Ham United á Anfield. Þessi leikur verður líka klukkan eitt.

Sunnudaginn 20. apríl leikur Liverpool í Leicester. Leikurinn hefst klukkan hálf fjögur síðdegis.

Síðasti leikur Liverpool í apríl fer fram viku seinna eða sunnudaginn 27.apríl. Liverpool mætir þá Tottenham Hotspur á Anfield. Aftur hefjast leikar hálf fjögur.

Tekið skal fram að allir leiktímar eru að íslenskum tíma. Hafið í huga að sumartími á Englandi er nú klukkutíma á eftir okkar tíma.

Nýlegar fréttir