Liverpool mætir Evrópumeisturunum!

Liverpool mætir Evrópumeisturum Paris St Germain í átta liða úrslitum Meistaradeildarinnar. Þetta varð ljóst þegar Liverpool vann Galatasaray 4:0 á Anfield Road í gærkvöldi. Liverpool fór því áfram samtals 4:1. Paris komst áfram með því að vinna Chelsea samanlagt 8:2 í tveimur leikjum. Fyrst 5:2 í París og svo 0:3 í London.  

Liðin mætast þar með aðra leiktíðina í röð. Á síðasta keppnistímabili vann Liverpool 0:1 í París. Á Anfield vann Paris 0:1 í framlengingu. Grípa varð til vítaspyrnukeppni sem franska liðið vann. 

Liðin mætast í París að kvöldi miðvikudags 8. apríl. Seinni leikurinn verður á Anfield þriðjudagskvöldið 14. apríl. Sama leikjaform og á síðustu leiktíð. 

Nú er að vona að Liverpool komist áfram. En til þess þarf allt að ganga upp og rúmlega það!