Ekki í mínum höndum!

Dominik Szoboszlai segir það ekki í sínum höndum hvort hann geri nýjan samning við Liverpool. Þetta verða að teljast aðeins loðin svör.

Ungverjinn er búinn að vera sterkasti leikmaður Liverpool á leiktíðinni og það yrði mikið áfall að missa hann frá félaginu. Það er þó ekki þannig að alveg sé komið að samningagerð. Samningur hans við Liverpool rennur út eftir tvö ár.

Dominik segist vera ánægður hjá Liverpool og hafi fullan hug á að vera lengur en núgildandi samningur segir til um. Það er reyndar gott að vita til þess eins langt og slíkar yfirlýsingar ná.