Alexander Isak loksins kominn til leiks!

Alexander Isak er nú loksins kominn til leiks á nýjan leik eftir fótbrotið sem hann varð fyrir gegn Tottenham 20. desember. Hann brotnaði eftir harða atlögu leikmanns Tottenham um leið og hann skoraði seinna mark Liverpool í 1:2 sigri. Markið var hans þriðja á erfiðri leiktíð.

Alexander kom inn sem varamaður gegn Paris Saint Germain og Fulham. Það voru fyrstu mínútur hans frá fótbrotinu sem var ekki bara slæmt heldur kom það líka á slæmum tíma þegar hann virtist vera að lifna við í markaskorun. 

Vonandi nær hann sér eitthvað á strik það sem lifir leiktíðar. Það skiptir miklu að hann nái sér eitthvað í gang áður en leiktíðin er úti.