Væri gaman að byrja með verðlaunum!

Arne Slot, framkvæmdastjóri Liverpool, segir að það væri gaman að byrja leiktíðina með því að vinna verðlaun. Færi gefst til þess á morgun þegar Liverpool mætir Crystal Palace í leiknum um Samfélagsskjöldinn á Wembley.

,,Það er gaman að byrja leiktíðina með því að eiga kost á að vinna verðlaun. Venjulega þarf að spila marga leiki til að eiga möguleika á að vinna eitthvað. Það gildir um Deildarbikarinn, FA bikarinn, auðvitað Úrvalsdeildina og eins Meistaradeildina. Venjulega vinnur maður verðlaun við lok leiktíðar. En nú er möguleiki á verðlaunum í upphafi leiktíðar."

,,Ókosturinn er við þurfum að eiga við mjög gott lið Crystal Palace. Við höfum átt í miklum erfiðleikum með að leggja það lið að velli. Við lékum við liðið í lok síðustu leiktíðar og sá leikur endaði eitt eitt. Þeir sýndu í úrslitaleiknum og eins í undanúrslitunum hversu erfitt er að að vinna liðið í einum stökum leik. Ég held að liðið sem enn skipað að mestu sömu mönnum og það er því augljóst að það verður erfitt að leggja liðið að velli."

Það væri sannarlega magnað ef Liverpool næði að bæta við afrekaskrá félagsins með því að vinna Skjöldinn á morgun. Liverpool hefur hingað til unnið yfirráðarétt yfir Skildinum 16 sinnum.