Ánægður með markið!

Alexander Isak var skiljanlega ánægður með að skora loksins. Hann skoraði sitt fyrsta deildarmark í fyrradag þegar Liverpool vann loksins. Hann skoraði fyrra mark Liverpool í 0:2 sigri á West Ham United. 

,,Ég veit að það var búin að vera löng bið eftir markinu. Ég er búinn að vera að reyna að koma mér í mitt besta stand og ég er ekki enn kominn í það. En ég er mjög ánægður með að vera búinn að skora."

,,Það eru skiljanlega alls konar tilfinningar í gangi. Sú besta fylgir ánægjunni yfir sigrinum. Sigrar styrkja andann í liðinu og líka í huga einstaklinganna."

,,Við verðum, finnst mér, að nota sigurinn á besta veg. En við verðum líka að sýna auðmýkt því við erum búnir að vera í öldudal. Einn sigur þýðir ekki endilega að við séum komnir í gagn. Við þurfum að halda einbeitingunni og leggja hart að okkur svo að sigurinn færi okkur meðbyr."

Það var sannarlega gott og gleðilegt að dýrasti leikmaður í sögu Liverpool hafi loksins komist á blað í deildinni. Hann var áður búinn að skora eitt mark í tíu leikjum fyrir Liverpool. Það kom í Deildarbikarnum.

Alexander kom auðvitað í engri leikæfingu til Liverpool og eins langt frá því að vera yfirleitt í æfingu. Hann kom sér út úr húsi hjá Newcastle United á undirbúningstímabilinu í sumar með því að heimta að vera seldur. Honum hefur gengið illa og ekki hafa meiðsli bætt úr skák. En vonandi fer Svíinn nú að nálgast sitt besta.