Luis Díaz er á förum

Luis Díaz er á förum frá Liverpool. Þýskalandsmeistarar Bayern Munchen vinna hörðum höndum að því að fá hann í sínar raðir. Reiknað er með því að tilkynnt verði um vistaskipti hans hvern næsta dag. 

Luis hefur verið orðaður við brottför frá Liverpool frá því í vor. Lengi vel var talið að Barcelona myndi ná að lokka hann til sín. Fram eftir sumri var helst að skilja að Luis væri ekki til sölu en sú afstaða forráðamanna Liverpool hefur greinilega breyst.

Luis Díaz var frábær á síðasta keppnistímabili. Hann skoraði 17 mörk og átti fimm stoðsendingar. Þetta var besta leiktíð hans hjá Liverpool.