Leikjatilfærslur

Búið að er raða upp leikjum Liverpool í október. Það verður í mörg horn að líta eftir að landsleikjahléinu óralanga lýkur. 

Fyrsti leikurinn í mánuðinum verður á Anfield Road við Manchester City sunnudaginn 11. október. Líkt og síðustu ár verður að telja leik liðanna með stórleikjum leiktíðarinnar. 

Síðdegis miðvikudaginn 14. október leikur Liverpool gegn LASK í Austurríki. LASK vann bæði deild og bikar í heimalandi sínu á síðustu leiktíð. Flautað verður til leiks stundarfjórðung í fimm. 

Laugardaginn 17. október mætir Liverpool Brentford á útivelli. Leikurinn verður á hefðbundnum leiktíma eða klukkan tvö eftir hádegið.

Þriðji leikur Meistaradeildarinnar verður klukkan sjö þriðjudagskvöldið 20. október. Spænska liðið Villarreal kemur þá í heimsókn á Anfield. 

Sunnudaginn 25. október fer fyrsti leikur vetrarins fram en fyrsti vetrardagur er daginn áður. Brighton and Hove Albion kemur þá í heimsókn. Leikurinn hefst klukkan tvö.

Dagskrá mánaðarins hjá Liverpool lýkur miðvikudagskvöldið 28. þegar Xabi Alonso, fyrrum leikmaður Liverpool, kemur með nýja liðið sitt Chelsea til Liverpool. Leikurinn er í Deildarbikarnum. Vakin er athygli á því að þá verður vetrartími kominn á Englandi. Leikurinn byrjar því klukkan átta að íslenskum tíma. 

Vakin er athygli á að tímasetningar eru að íslenskum tíma. Sumartími verður á Bretlandseyjum fram að síðustu helgi í mánuðinum. Þá tekur við vetrartími sem þýðir að sami tími er á Íslandi og Bretlandi.