Alexis kominn í sumarfrí

Alexis Mac Allister er kominn í sumarfrí. Argentínski heimsmeistarinn er búinn að harka af sér í síðustu leikjum en hann verður í fríi í krýningarleiknum á móti Crystal Palace. 

Það er auðvitað slæmt að Alexis geti ekki verið með gegn Palace en mestu skiptir að hann fái tíma til að jafna sig og verði orðinn góður af meiðslunum þegar næsta keppnistímabil byrjar. 

Alexis lék lykilhlutverk á leiktíðinni og var með allra bestu leikmönnum Liverpool. Hann lék 49 leiki, skoraði sjö mörk og átti sex stoðsendingar.