Næsta víst!

Margir traustir fréttamiðlar greindu frá því í dag að samningaviðræður við þá Mohamed Salah og Virgil van Dijk séu komnar á lokastig. Það sé sem sagt orðið næsta víst að þeir félagar muni spila áfram með Liverpool. 

Allt frá því síðasta sumar hefur verið fjallað reglulega um samingamál þeirra Mohamed og Virgil. Lengi vel var Trent Alexander-Arnold inni í þeirri umræðu en nú er allt útlit á að hann fari til Real Madrid. 

Samkvæmt fréttum dagsins eiga nýju samningarnir að kveða á um tveggja ára framlengingu á þeim samningum sem renna út í sumar. Vonandi verða þeir félagar áfram hjá Liverpool.