Nýtt met hjá Mohamed Salah!

Það er ekkert nýtt í því að Mohamed Salah skori á fyrsta leikdegi í efstu deild á Englandi. Hann gerði það í sjöunda sinn á átta leiktíðum þegar Liverpool vann Ipswich Town 0:2 í laugardaginn var. 

Sem fyrr segir hefur Mohamed Salah nú skorað í fyrstu umferð á sjö af átta keppnistímabilum sem hann hefur tekið þátt í á Englandi. Honum mistókst það í eina skiptið á móti Chelsea á síðasta keppnistímabili. Áður hafði hann skorað í fyrstu umferð á sex sparktíðum í röð sem er landsmet í efstu deild á Englandi. Mörkin komu á móti Watford úti, West Ham United heima, Norwich City heima, Leeds United heima, Norwich City úti og Fulham úti. Á móti Leeds skoraði Mohamed þrennu.

Í Ipswich bætti Mohamed enn einu metinu í safnið. Markið hans á móti heimamönnum var níunda markið sem hann skorar í átta leikjum í fyrstu umferð efstu deildar. Hann er þar með búinn að skora marki meira en ensku landsliðsmennirnir Alan Shearer, Frank Lampard og Wayne Rooney gerðu á þeirra tíma. Enn eitt metið sem Mohamed Salah setur í ensku knattspyrnunni!