Nýr búningur kynntur

Liverpool hefur kynnt nýjan aðalbúning fyrir komandi keppnistímabil. Búningurinn er að sjálfsögðu rauður. Á honum eru mjóar gular rendur sem mynda YNWA. Kraginn er breiður í hvítum lit með rauðri rönd í miðju og tveimur mjóum gulum sitt hvoru megin vð þá rauðu.

Buxurnar eru rauðar með hvítu og gulu á hliðum. Sokkarnir eru rauðir með tveimur hvítum þverröndum á miðjum legg ef svo mætti orða það. 

Búningurinn er með vísun í búning sem Liverpool klæddist á leiktíðinni 1983/84 þegar liðið varð fyrst enskra liða til að vinna Þrennu. Liðið vann þá enska meistaratitilinn, Deildarbikarinn og Evrópukeppni meistaraliða. Í ár eru einmitt 40 ár frá þessu mikla afreki Liverpool. 

Hann minnir líka svolítið á búning sem Liverpool notaði á keppnistímabilinu 1995/96. Sá var einmitt með svona breiðum hvítum kraga.

Markmannsbúningurinn var líka kynntur. Hann er svartur og grár. Annað hvort svartur eða grár með þá munstri með hinum litnum. 

Búningurinn verður vígður í síðasta heimaleik Liverpool þegar Wolverhampton Wanderes kemur í heimsókn. Nýr aðalbúningur hefur um árabil verið vígður í síðasta heimaleik.

Hér er hægt að kynna sér nýja aðalbúning Liverpool.