Við höldum baráttunni áfram!

Tapið fyrir Crystal Palace á sunnudaginn sveið sárt eftir leikinn og gerir enn. Andrew Robertson segir að baráttunni verði haldið áfram. Hann hafði meðal annars þetta að segja eftir leikinn. 


,,Við höldum alltaf áfram að berjast hjá þessu félagi. Við verðum að berjast á áhorfendastæðunum og úti á vellinum í síðustu sex leikjunum í Úrvalsdeildinni. Svo sjáum við hverju það skilar okkur. Við verðum að halda áfram að vera jákvæðir. Við rífum okkur í gang, tökum svo næsta leik á fimmtudaginn og leggjum allt í sölurnar."

Eins og Andrew segir þá verða menn að rífa sig upp og mæta sterkir til leiks á móti Atalanta. Liverpool er þremur mörkum undir eftir fyrri leikinn en allt getur gerst!