Dominik meiddur

Dominik Szoboszlai er frá vegna meiðsla. Hann meiddist á nýársdag og var frá í tæpan mánuð. Hann kom inn á í bikarleiknum á móti Norwich City og var svo í byrjunarliðinu gegn Chelsea. Hann er nú aftur frá og ekki er ljóst hvenær hann verður leikfær á nýjan leik.

Ungverjinn virtist vera búinn að ná sér. Hann byrjaði á móti Chelsea, átti góðan leik og skoraði. En fyrir leikinn á móti Arsenal kom í ljós að meiðslin höfðu tekið sig upp. 


Vonandi nær Dominik sér sem fyrst. Hann er lykilmaður á miðjunni og miklu skiptir að hafa alla til taks nú þegar Liverpool er að berjast á fernum vígstöðvum.