Kostas Tsimikas úr leik

Kostas Tsimikas er úr leik í bili. Hann var sparkaður niður í leik Liverpool og Arsenal. Ekki nóg með það þá lenti hann á Jürgen Klopp framkvæmdastjóra Liverpool. Við það viðbeinsbrotnaði Grikkinn. Hann verður ekki leikfær aftur fyrr en eftir nokkrar vikur. 

Þessi meiðsli, eins og svo sem öll, komu á versta tíma því Andrew Robertson er enn frá vegna þess að hann fór úr axlarlið í haust. Kostas hefur leyst Andrew af síðan og gert það með sóma. Liverpool hefur því engan vinstri bakvörð með reynslu næstu vikurnar.

Til að bæta gráu ofan á svart þá fékk Bukayo Saka, leikmaður Arsenal ekki gult spjald eins og hann hefði átt að fá fyrir að hafa brotið á Kostas. Það hefði líka þýtt að hann hefði verið rekinn af velli!