Dregið í Deildarbikarnum

Liverpool komst áfram í átta liða úrslit í Deildarbikarnum í kvöld eftir 1:2 sigur á Bournemouth. Rétt í þessu var dregið til næstu umferðar. 

Liverpool fékk heimaleik og kemur West Ham United í heimsókn á Anfield Road. West Ham komst áfram í keppninni í kvöld eftir góðan 3:1 sigur á Arsenal. Hamrarnir eru sem stendur um miðja deild. Liðin leiddu saman hesta sína á Anfield í haust og Liverpool vann þá 3:1. Vonandi nær Liverpool að endurtaka leikinn og komast áfram í undanúrslit í Deildarbikarnum.