Cody ekki illa meiddur

Cody Gakpo er sennilega ekki illa meiddur. Hann fór meiddur út af eftir að hafa skorað með sínu síðasta sparki í leik Tottenham og Liverpool á laugardaginn. 

Ekki liggur alveg fyrir hvers eðlis meiðslin eru. En talið er að Cody verði búinn að ná sér eftir komandi landsleikjahlé. Vonandi reynist það rétt því Cody hefur byrjað keppnistímabilið vel og skorað þrjú mörk. 

Svo merkilega vill til að Cody hefur skorað tvö mörk á leiktíðinni með sínu síðasta sparki í leik. Fyrst gegn Wolves og svo á móti Tottenham. Á móti Wolves var búið að ákveða að skipta honum af velli áður en hann skoraði en svo var hann tekinn af velli í hálfleik í leiknum á móti Tottenham vegna þess að hann var meiddur. Merkileg tilviljun.