| Sf. Gutt

Stefan og Ben efnilegastir!

Fréttaritari var fyrir páskana staddur í bænum Salou á suður Spáni. Hann hitti þar nokkra úr þjálfaraliði Liverpool F.C. sem voru að fylgja unglingaliði félagsins á mót.

Fréttaritari spurði hvaða leikmenn, af yngri leikmönnum félagsins, þau sem þarna voru teldu efnilegasta. Hér á eftir fer endursögn af því sem þjálfararnir sögðu. Að þeirra áliti skara þessir tveir framúr.

 

Stefan Bajcetic: Þau sögðu Stefan auðvitað meira en efnilegan. Hann væri nú þegar búinn að spila dálítið með aðalliðinu á þessu keppnistímabili og hann hefði sýnt að hann hafi allt til að bera til að geta náð langt. 


Ben Doak: Þau töldu að Ben geti orðið mjög góður. Hann búi yfir miklum hæfileikum. Hann sé líka mjög einbeittur í að ná langt í íþróttinni. 

Það verður spennandi að sjá hvað verður úr þeim Stefan Bajcetic og Ben Doak. Stefan stóð sig mjög vel á miðjunni áður en hann varð að hætta keppni vegna meiðsla. Ben tók sín fyrstu skref með aðalliðinu og líklega hefði Skotinn spilað eitthvað meira nema vegna þess að hann átti í vandræðum með meiðsli. 

TIL BAKA
Nýlegar fréttir
Fleiri fréttir
Fréttageymslan