Þurfum nýja og góða leikmenn!

Liverpool hefur verið langt frá sínu besta á þessari leiktíð. Nú er liðið úr öllum bikarkeppnum og það kemur í ljós í þeim deildarleikjum sem eftir eru hvort Liverpool kemst í Meistaradeildina.

Virgil van Dijk segir að Liverpool þurfi nýja leikmenn í sumar. Ekki bara nýja leikmenn heldur góða leikmenn sem styrkja liðið vel. 

„Það er búið að tilkynna að leikmenn munu yfirgefa félagið. Ef við viljum vera áfram á þeim stalli sem við höfum verið á síðustu fimm ár verðum við að bæta við okkur nýjum gæðaleikmönnum. Sérstaklega þarf nýja menn í stað þeirra sem fara.  


„Allir vita að það verður hægara sagt en gert. Það verður mjög erfitt að finna rétta leikmenn en félagið verður að vinna sitt verk í þessum efnum."

Nú er að sjá hvort Liverpool nær Meistaradeildarsæti í vor. Það eru býsna margir leikir eftir í deildinni fram til loka leiktíðar og Virgil vonar að Liverpool nái sæti í Meistaradeildinni á næsta keppnistímabili. 

„Við eigum enn marga leiki eftir og við viljum spila í Meistaradeildinni. Það að spila í keppninni hjálpar okkur að laða bestu leikmenn heims til okkur. Það er ekki sjálfgefið en hjálpar til."