Ungliðar áfram

Unglingalið Liverpool er komið áfram í Evrópudeild yngri liða. Liðið er komið í átta liða úrslit sem er góður árangur. Liverpool komst áfram á dögunum eftir að hafa unnið Porto 6:5 í vítaspyrnukeppni. Leiknum sjálfum, sem fór fram í Liverpool, lauk 1:1. Melkamu Frauendorf skoraði mark Liverpool.  

Liverpool mætir Sporting Lissabon í átta liða úrslitum. Liðin leiða saman hesta sína í Portúgal. Leikurinn fer fram 14. mars.

Í þessari keppni nota lið leikmenn sem eru yngri en 19 ára. Keppnin fór fyrst fram á leiktíðinni 2013/14. Benfica er ríkjandi meistari.