Áfram í Unglingabikarnum

Unglingalið Liverpool komst í kvöld áfram í fimmtu umferð Unglingabikarkeppninnar. Liðið hefur nú komist í gegnum tvær umferðir. 

Eina mark leiksins kom á 19. mínútu og skoraði Michael Laffey það. Port Vale átti horn en Liverpool sneri vörn í sókn. Markmaður Port Vale kom út úr vítateignum til að bjarga málum en missti af boltanum. Boltinn hrökk fyrir fætur Michael rétt við vítateiginn og hann skoraði í autt markið. 

Sigur Liverpool var naumur því Port Vale fékk góð færi til að jafna leikinn. Í síðari hálfleik áttu heimamenn til dæmis skot í þverlá og niður. Luke Hewitson varði líka hvað eftir annað í marki Liverpool. 

Bobby Clark var eini leikmaður Liverpool sem hefur leikið með aðalliðinu. Hann er búinn að spila tvo leiki með aðalliðinu. 

Liverpool: Hewitson, Davidson, Lucky, Samuels, Scanlon, Miles, Pilling, Laffey, Clark, Danns (Young 63. mín.) og Roberts. Ónotaðir varamenn: Trueman, Giblin, Gyimah, Pennington, Gift og Ahmed.