| Sf. Gutt

Af HM


Riðlakeppni heimsmeistaramótsins í Katar er að baki. Fulltrúum Liverpool hefur fækkað þannig að einn er kominn í frí í bili nú þegar 16 liða úrslit eru framundan.

Virgil van Dijk var að venju í hjarta varnar Hollendinga sem unnu Katar 0:2. Holland er komið áfram. 

Englendingar unnu Bretlandsorrustuna við Wales. Sigurinn var upp á 3:0. Jordan Henderson var með frá byrjun en Trent Alexander-Arnold kom inn sem varamaður. Danny Ward, Nico Williams og Joe Allen fyrrum leikmenn Liverpool voru í byrjunarliði Wales. Harry Wilson kom til leiks í síðari hálfleik. England er komið áfram en Wales er úr leik. 

Frakkar töpuðu óvænt 1:0 fyrir Túnis en komust áfram. Ibrahima Konaté lék allan leikinn í vörn Frakka sem komust áfram í keppninni. 


Brasilíumenn töpuðu líka óvant. Þeir lutu í gras 1:0 fyrir Kamerún. Alisson Becker fékk frí en Fabihno Tavarez kom í liðið í fyrsta sinn í keppninni. Brasilía komst áfram. 


Úrúgvæ vann Gana 2:0. Liðið komst næstum því áfram en mark í viðbótartíma frá Suður Kóreu sem vann Portúgal 2:1 kom þeim áfram á kostnað Úrúgvæ. Darwin Núñez var sem fyrr í sókninni en honum tókst ekki að skora frekar en áður í keppninni. Luis Súarez og Sebastian Coates voru  í byrjunarliðinu. Portúgal og Suður Kórea komust áfram úr þessum riðli. 

Nú taka við 16 liða úrslit á heimsmeistaramótinu. Þau standa yfir næstu daga. 

TIL BAKA
Nýlegar fréttir
Fleiri fréttir
Fréttageymslan