Fulltrúar Liverpool í Katar

Kynningin á fulltrúum Liverpool í Katar heldur áfram þaðan sem frá var horfið. Trent Alexander-Arnold er annar í röðinni hjá okkur. 

Nafn: Trent Alexander-Arnold.

Fæðingardagur: 7. október 1998.

Fæðingarstaður: Liverpool á Englandi. 

Staða: Bakvörður.

Félög á ferli: Liverpool.

Fyrsti landsleikur: 7. júní 2018 gegn Kosta Ríka.

Landsleikjafjöldi: 17.


Landsliðsmörk: 1.

Leikir með Liverpool: 246.


Mörk fyrir Liverpool: 15.

Stoðsendingar: 61.


Hvernig gekk á síðustu leiktíð? Trent hélt áfram á sömu braut og frá leiktíðunum á undan. Hann var lykilmaður í liði Liverpool og átti þátt í fjölda marka. 


Hver eru helstu einkenni okkar manns? Hann er eldfljótur og áræðinn. Hann spilar sem hægri bakvörður og hefur verið talinn með þeim allra bestu í þeirri stöðu í ensku knattspyrnunni. 

Hver er staða Trent í landsliðinu? Trent hefur verið fastamaður í hópnum síðustu árin. En hann hefur ekki átt fast sæti í byrjunarliðinu.

Hvað um England? Liðið hefur náð mjög góðum árangri á síðustu árum. Liðið komst í undanúrslit á heimsmeistaramótinu fyrir fjórum árum og varð í öðru sæti í Evrópukeppni landsliða í fyrra. Það er búist við að liðið verði með sterkari liðum á mótinu.  


Alþjóðlegir titlar Englands: Heimsmeistarar 1966. 

Besti Englendingur allra tíma? Það er úr mörgum snjöllum leikmönnum að velja. Margir telja þó miðvörðinn frábæra Bobby Moore, sem lék með West Ham United og Fulham, þann allra besta. Hann var fyrirliði Englendinga þegar þeir urðu heimsmeistarar 1966. Bobby var einn manna heiðraður með styttu við nýja Wembley leikvanginn þegar hann var reistur. 


Vissir þú? Trent hefur mikinn áhuga á skák. Hann hefur teflt við heimsmeistarann Magnus Carlsen. Trent tapaði eftir 17 leiki.   

Helsta heimild: http://www.lfchistory.net