| Sf. Gutt

Frábær byrjun kvennaliðsins!


Kvennalið Liverpool byrjaði frábærlega í Úrvalsdeildinni. Liðið vann 2:1 endurkomusigur á Englandsmeisturunum Chelsea á sunnudaginn. 

Chelsea komst yfir þegar Fran Kirby skoraði úr víti eftir nokkrar mínútur. Liverpool jafnaði í síðari hálfleik þegar Katie Stengel skoraði úr víti. Sú bandaríska tryggði svo Liverpool sigurinn undir lok leiksins þegar hún skoraði aftur úr víti. Katie kom til Liverpool í byrjun ársins. 


Liverpool er eins og allir vita nýliði í efstu deild eftir tvö tímabil í þeirri næst efstu. Þó svo að Liverpool hafi unnið næst efstu deild með yfirburðum í vor verður þessi leiktíð trúlega erfið. Þess þá heldur var magnað að byrja deildina með svona frábærum sigri.  


Liverpool spilar flesta sína heimaleiki á Prenton Park heimavelli Tranmere Rovers. Þar voru 3006 áhorfendur sem er metfjöldi hjá kvennaliðinu á Prenton Park. Næsti leikur Liverpool er við Everton og verður leikið á Anfield Road. Það verður spennandi að sjá hversu margir áhorfendur mæta á grannaslaginn næsta sunnudag.

TIL BAKA
Nýlegar fréttir
Fleiri fréttir
Fréttageymslan