| Grétar Magnússon

Knattspyrnumaður ársins

Samtök íþróttafréttamanna á Englandi hafa útnefnt Mohamed Salah sem knattspyrnumann ársins. Er þetta í annað sinn sem Salah hlýtur þessa nafnbót en síðast gerðist það árið 2018.

Salah fékk 48% atkvæða í kjörinu en Kevin De Bruyne hjá Manchester City varð í öðru sæti og Declan Rice hjá West Ham í því þriðja. Þann 5. maí næstkomandi verður athöfn þar sem Salah fær afhenta þessa miklu viðurkenningu.

Egyptinn verðskuldar svo sannarlega þessa útnefningu en hann hefur verið frábær á tímabilinu. Hann er sem stendur markahæstur í deildinni með 22 mörk og leiðir einnig listann yfir þá sem hafa átt flestar stoðsendingar eða 13 talsins. Í öllum keppnum hefur hann skorað 30 mörk og lagt upp 14 en leikirnir eru alls orðnir 44 talsins.

Salah er þar með aðeins annar leikmaðurinn í sögu félagsins sem hlýtur þessa nafnbót tvisvar sinnum en þeir Kenny Dalglish og John Barnes afrekuðu það á sínum tíma.

TIL BAKA
Nýlegar fréttir
Fleiri fréttir
Fréttageymslan