Liverpool mætir Nottingham Forest

Í kvöld léku Nottingham Forest og Huddersfield Town um síðasta sætið í átta liða úrslitum í FA bikarnum. Nú liggur fyrir hvaða liði Liverpool mætir!

Nottingham Forest vann Huddersfield 2:1. Það þýðir að Liverpool fer í heimsókn á City Ground í Nottingham. Leikur Forest og Liverpool fer fram sunnudaginn 20. mars og verður flautað til leiks klukkan 18:00.

Ljóst er að FOrest verður erfiður mótherji. Liðið er í toppbaráttu í næst efstu deild. Forest hefur slegið Arsenal og Leicester City út úr FA bikarnum á leið sinni í átta liða úrslit.