| Grétar Magnússon

Mané og Keita áfram

Lokaleikir B-riðils í Afríkukeppninni fóru fram í gær, þriðjudaginn 18. janúar. Senegal og Gínea tryggðu sér sæti í 16-liða úrslitum.

Naby Keita, sem hafði verið valinn maður leiksins í fyrstu tveimur leikjum Gíneu, skoraði eina mark sinna manna í 2-1 tapi gegn Simbabve. Markið kom á 49. mínútu leiksins og þótti einstaklega glæsilegt en Simbabve menn höfðu komist í 2-0 strax í fyrri hálfleik. Því miður fyrir Gíneumenn náðu þeir ekki að skora fleiri mörk en tapið kom þó ekki í veg fyrir að liðið náði 2. sæti í riðlinum.

Senegal og Malaví gerðu markalaust jafntefli í hinum leik riðilsins sem tryggði Mané og félögum toppsætið. Malaví menn verða að bíða og sjá hvort þeir verði eitt af þeim liðum sem kemst áfram með besta árangur í þriðja sæti síns riðils.
TIL BAKA
Nýlegar fréttir
Fleiri fréttir
Fréttageymslan