Mané og Keita með sigra

Afríkukeppnin er farin af stað og á mánudaginn spiluðu Sadio Mané og Naby Keita með liðum sínum í B-riðli.

Mané og félagar mættu Simbabve og fyrirfram var búist við sigri Senegal. Allt leit út fyrir markalaust jafntefli en í uppbótartíma fengu Senegalar vítaspyrnu, Mané fór á punktinn og tryggði sínum mönnum sigur.

Í hinum leik riðilsins mættust Gínea og Malaví þar sem Naby Keita var fyrirliði Gíneumanna. Lokatölur voru sömuleiðis 1-0 og voru það Gíneumenn sem stóðu uppi sem sigurvegarar. Markið skoraði Issiaga Sylla á 35. mínútu og þess má geta að Keita spilaði allann leikinn fyrir sína menn.

Í næsta leik riðilsins mætast Mané og Keita, nánar tiltekið föstudaginn 14. janúar klukkan 13:00.