Fyrir sex árum

Í dag eru sex ár síðan Jürgen Klopp tók við sem stjóri Liverpool. Ekki er hægt að efast um að ráðningin hafi verið ein sú besta í sögu félagsins. Að minnsta kosti sú besta í seinni tíð. Hér eru nokkrar staðreyndir frá þessum sex árum. 


- Jürgen Klopp tók við sem framkvæmdastjóri Liverpool 8. október 2015. 

- Það eru 2.192 dagar liðnir frá því Jürgen Klopp tók við stjórn Liverpool. 


- Í öllum keppnum hefur Liverpool leikið 328 leiki. Liverpool hefur unnið 197, gert 70 jafntefli og tapað 61.


- Liverpool er með 60,3% sigurhlutfall frá því Jürgen tók við. 


- Liverpool hefur skorað 671 mark og fengið á sig 333 mörk.


- Roberto Firmino hefur leikið flesta leiki á valdatíma Jürgen eða 291.


- Roberto hefur leikið flestar mínútur af öllum leikmönnum. Mínúturnar eru alls 21.536.


-  Elijah Dixon-Bonner er sá leikmaður sem hefur leikið styst. Hann kom inná sem varamaður á síðustu mínútunni í sínum eina leik hingað til. 


- Mohamed Salah hefur skorað flest mörk á þessum sex árum. Egyptinn er búinn að skora 134.


- Roberto Firmino á flestar stoðsendingar eða 63 talsins. 


- Á valdatíð Jürgen Klopp hefur Liverpool leikið 159 leiki á Anfield. Af þeim hefur Liverpool spilað 140 án þess að tapa.


- Liverpool hefur unnið fjóra titla á valdatíð Jürgen Klopp. Meistaradeildina, Stórbikar Evrópu, Heimsmeistarakeppni félagsliða og ensku Úrvalsdeildina.