Xherdan Shaqiri á förum

Allt útlit er á að Xherdan Shaqiri sé á förum frá Liverpool. Hann virðist kominn með leyfi frá Liverpool til að leita fyrir sér með það í huga að finna sér annað félag. Xherdan hefur aldrei fyllilega náð að festa sig í sessi hjá Liverpool. Það er þó ekki vafi á því að hann er mjög snjall leikmaður og sumir telja að hann ætti að fá meiri tækifæri. Meiðsli hafa reyndar sett strik í reikninginn hjá Xherdan.

Svisslendingurinn mætti til æfinga eftir sumarfrí í dag. Það sama má segja um Thiago Alcantara.