Stór og sterkur!

Ibrahima Konate, nýjasti liðsmaður Liverpool, segist vera stór og sterkur sem hann vissulega er. Hann segist samt, þrátt fyrir að vera hávaxinn, vera betri að skora með fótunum en höfðinu. 

,,Ég er stór, sterkur og er ekki hræddur að vera með boltann. Ég er þó betri að skora með fótunum en höfðinu sem er svolítið skrýtið. En svona er ég. Ég hef ákveðna hæfileika en ég verð að vinna látlaust að því að verða mjög góður varnarmaður."


Ibrahima er vissulega hávaxinn en hann mun vera 1,94 metrar að hæð samkvæmt uppgefnum mælingum. Hann segist betri að skora með fótunum. Frakkinn hefur þó ekki skorað mörg mörk. Hann telst aðeins hafa skorað sex mörk í opinberum leikjum á ferli sínum hingað til. Hann á vonandi eftir að bæta við fleiri mörkum fyrir Liverpool.