Harvey Elliott gerir nýjan samning

Harvey Elliott hefur gert nýjan samning við Liverpool. Sagt er í frétt frá félaginu að samningurinn sé til lengri tíma en er ekki tímasettur nánar. 

Harvey er einn allra efnilegasti leikmaður í röðum félagsins. Liverpool keypti hann frá Fulham sumarið 2019. Hann hefur hingað til leikið níu leiki með Liverpool. Á síðasta keppnistímabili spilaði Harvey sem lánsmaður hjá Blackburn Rovers í næst efstu deild. Hann var með bestu leikmönnum liðsins, skoraði sjö mörk og lagði upp 11. Það er spurning hvort Harvey verður lánaður á næstu leiktíð eða hvort hann verður notaður í aðalliði Liverpool.