Af leikmannamálum

Af leikmannamálum er það að frétta að mjög lítið sem ekkert er að frétta. Liverpoool hefur verið orðað við frekar fáa leikmenn og allt er óljóst.

Kingsley Coman hefur verið nefndur á nafn. Frakkinn er á mála hjá Bayern Munchen. Þar á bæ vonast menn til þess að hann verði áfram hjá félaginu. 

Portúgalinn Renato Sanches hefur aðeins verið orðaður við Liverpool. Hann var hjá Bayern en á síðustu leiktíð var hann lykilmaður hjá Lille sem varð franskur meistari. 

Skoski miðjumaðurinn John McGinn hjá Aston Villa hefur verið nefndur til sögunnar. Ekki er gott að segja hvort hann verður á lausu í sumar. 

Talið er að Liverpool hafi áhuga á Florian Neuhaus miðvallarleikmanni Borussia Mönchengladbach. Hann var að minnsta kosti talsvert orðaður við Liverpool framan af sumari. 

Við sjáum hvað setur í þessu sem öðru.