| Sf. Gutt

Af EM


Fyrstu umferð úrslitakeppni Evrópumóts landsliða lauk í kvöld. Nokkrir af fulltrúum Liverpool komu við sögu í fyrstu umferðinni. 

Sviss og Wales mættust á laugardaginn. Leiknum lauk með 1:1 jafntefli. Mark Wales kom eftir hornspyrnu frá  Xherdan Shaqiri. Neco Williams og Harry Wilson sátu á bekknum allan tímann. Danny Ward, fyrrum markmaður Liverpool, var í marki Wales. 

Á sunnudaginn vann England Króatíu 1:0 á Wembley. Raheem Sterling, fyrrum leikmaður Liverpool, skoraði markið. Jordan Henderson var varamaður. Þess má geta að Holland vann Úkraínu 3:2 sama dag. Georginio Wijnaldum, nú fyrrum leikmaður Liverpool, var fyrirliði Hollands og skoraði fyrsta mark leiksins. 

Andrew Robertson var fyrirliði Skota í gær þegar þeir máttu lúta í gras 0:2 fyrir Tékkum á Hampden Park. Hann þótti besti maður Skota í leiknum. Thiago Alcântara kom inn á sem varamaður hjá Spánverjum þegar þeir gerðu markalaust jafntefli við Svíþjóð.

Í dag var Diogo Jota í liði Evrópumeistara Portúgals sem vann Ungverjaland 3:0. Péter Gulácsi var í marki Ungverja. Hann var um tíma á mála hjá Liverpool. Cristiano Ronaldo skoraði tvö mörk fyrir Portúgal og Raphael Guerreiro eitt. Cristiano setti met með mörkunum sínum. Hann hefur nú skorað 11 mörk í úrslitakeppni Evrópumóts landsliða. Frakkinn Michel Platini átti gamla metið sem var níu mörk. 

Þess má geta að Japan vann Serbíu í vináttulandsleik um heilgina. Takumi Minamino og Marko Grujic mættust á miðjunni í leiknum.

TIL BAKA
Nýlegar fréttir
Fleiri fréttir
Fréttageymslan