Trent kominn í sumarfrí

Trent Alexander-Arnold er kominn í óvænt sumarfrí eftir að hann meiddist í æfingaleik enska landsliðsins á dögunum. England vann Austurríki 1:0 en stuttu fyrir leikslok fór Trent meiddur af velli. Hann meiddist á læri ef rétt er skilið. Meiðslin eru nógu alvarleg til þess að Trent missir af Evrópukeppni landsliða en búið var að velja hann í liðshóp Englands. 

Vonandi verður Trent búinn að ná sér þegar leikmenn Liverpool mæta til æfinga fyrir næsta keppnistímabil. Ef ekkert fer úrskeiðis ætti svo að vera.