Nýtt met hjá Mohamed Salah

Mohamed Salah gerir það ekki endasleppt. Hann setti nýtt félagsmet í Madríd þegar hann skoraði á móti Real í síðustu viku. Enginn í sögu Liverpool hefur nú skorað fleiri mörk á útivöllum á einu keppnistímabili. 

Markið sem Mohamed skoraði á móti Real Madrid var 18. markið sem hann skorar á ferðalögum Liverpool á keppnistímabilinu. Hann á alveg örugglega eftir að bæta þetta met áður en sparktíðinni lýkur. Vonandi alla vega!


Hann sjálfur og Ian Rush deildu gamla metinu. Mohamed skoraði 17 útimörk á leiktíðinni 2017/18. Ian komst tvívegis í 17 útimörk. Fyrst á keppnistímabilinu 1983/84 og svo aftur 1986/87. En nú á Mohamed metið einn og sjálfur.

Mohamed Salah náði þó ekki að slá Ian Rush við í einu. Það tók Egyptann 93 leiki að skora 50 mörk á útivöllum. Ian náði því marki í 92 leikjum. Hér að neðan er listi yfir þá leikmenn Liverpool sem hafa verið sneggstir að skora 50 útimörk.