Staðfestur leiktími

Búið er að staðfesta hvenær leikur Liverpool gegn Arsenal á Emirates leikvanginum fer fram, leikurinn hefst klukkan 19:00 laugardaginn 3. apríl.

Það er aðeins búið að flakka með þennan leik í dagatalinu en upphaflega var hann settur á þann 3. apríl. Því var svo breytt yfir í sunnudaginn 4. apríl sem er Páskadagur en þó með þeim fyrirvara að leiktími gæti breyst vegna leikdaga í 8-liða úrslitum Meistaradeildar. Sú varð raunin þar sem okkar menn mæta Real Madrid á útivelli þann 6. apríl, leikurinn var því aftur fluttur til laugardagsins og staðfestur leiktími er sem áður sagði klukkan 19:00 að íslenskum tíma (20:00 í Englandi þar sem sumartími verður kominn í gildi).