Alisson líklega frá í sex vikur

Jürgen Klopp segir líklegt að Alisson verði frá í sex vikur. Þær verði að minnsta kosti fjórar og engar líkur eru á að hann spili gegn Everton.

Alisson meiddist á öxl á æfingu á laugardag og var því ekki með í leiknum gegn Aston Villa í gær. Þegar fóru að berast fregnir af því í gær að fjarveran gæti orðið löng og Jürgen Klopp staðfesti þær fregnir eftir leikinn í gær.

„Það er ljóst að hann spilar ekki gegn Everton (17. okt). Við vitum ekki nákvæmlega hversu lengi hann verður frá en þessi meiðsl hefðu vissulega getað orðið mun alvarlegri.

Ég vil ekki alveg setja fasta tíma á hvenær hann kemur aftur en það er möguleiki að það verði eftir fjórar vikur. Sex vikur er þó líklegra en ég er ekki viss. Við þurfum að meta þetta betur.“