Æfingaleikir sumarsins

Liverpool spilar þrjá æfingaleiki í Bandaríkjunum. Allir leikirnir eru á móti liðum frá Bretlandseyjum. Þar af tveir gegn liðum úr efstu deild. 

Leikur eitt er við Sunderland. Hann hefst klukkan tíu laugardagskvöldið 25. júlí. Leikið verður á Geodis Park í Nashville Tennessee. 

Leikur tvö fer fram miðvikudagskvöldið 29. júlí. Liverpool mætir þá Wrexham sem er auðvitað frá Wales. Liðin leiða saman hesta sína á Yankee leikvanginum í New York. Wrexham leikur í næst efstu deild á Englandi. 

Leikur þrjú verður að kvöldi sunnudagsins 2. ágúst. Liverpool og Leeds United takst á í Chicago. Leikurinn fer fram á Soldier Field vellinum og hefst klukkan átta.

Leiktímarnir eru allir að íslenskum tíma. Hægt er að horfa á leikina á sjónvarpsstöð Liverpool og trúlega á einhverjum öðrum stöðvum.